ملک بھر کے ائیرپورٹس سے 70 بین الاقوامی پروازیں منسوخ، خلیجی ممالک کا سفر متاثر

اسلام آباد/کراچی(بولونیوز)ایران اور سعودی عرب پر حالیہ حملوں اور امریکی صدر ڈونلڈ ٹرمپ کی دھمکی کے بعد مقامی اور بین الاقوامی ائیر لائنز نے احتیاطی طور پر ملک بھر کے ائیرپورٹس سے متعدد بین الاقوامی پروازیں منسوخ کر دی ہیں۔

ائیرپورٹ ذرائع کے مطابق مجموعی طور پر 70 پروازیں منسوخ ہوئیں، جن میں سے:

کراچی سے 27 پروازیں منسوخ، جن میں دوبئی، ابو ظہبی، شارجہ، بحرین، کویت، دوحہ، دمام، جدہ اور فیجرہ کے لیے روانہ ہونے والی 12 پروازیں شامل ہیں۔
پشاور سے 10 پروازیں منسوخ۔
اسلام آباد سے 23 پروازیں منسوخ۔

ذرائع کا کہنا ہے کہ موجودہ حالات کے پیش نظر ایئرلائنز نے مسافروں کی حفاظت کو اولین ترجیح دیتے ہوئے پروازیں ملتوی کرنے کا فیصلہ کیا ہے۔ مسافر رابطہ شدہ ائیر لائن سے اپنی پرواز کی صورتحال کی تصدیق کر سکتے ہیں۔

یہ منسوخی خطے میں کشیدگی کے باعث مسافروں کے سفر میں رکاوٹ پیدا کر رہی ہے اور بین الاقوامی پروازوں کی بحالی کے لیے صورتحال کا جائزہ لیا جا رہا ہے۔