پاکستان اور لیبیا کے درمیان 4 ارب ڈالر سے زائد کا دفاعی معاہدہ
بنگازی(بولونیوز)پاکستان نے لیبیا کی نیشنل آرمی (LNA) کے ساتھ 4 سے 4.6 ارب ڈالر مالیت کا بڑا دفاعی معاہدہ کر لیا ہے۔ یہ معاہدہ بنغازی میں آرمی چیف جنرل عاصم منیر اور LNA کے ڈپٹی کمانڈر صدام حفتر کی ملاقات کے بعد طے پایا۔
معاہدے میں فضائی، بری اور بحری سازوسامان شامل ہیں، جن میں جے ایف-17 لڑاکا طیارے اور سپر مشاق تربیتی طیارے بھی شامل ہیں۔ معاہدہ تقریباً ڈھائی سال میں مکمل ہوگا۔
پاکستانی حکام کے مطابق یہ معاہدہ اقوام متحدہ کی اسلحہ پابندیوں کی خلاف ورزی نہیں کرتا۔ لیبین نیشنل آرمی نے پاکستان کے ساتھ دفاعی تعاون، اسلحہ فروخت اور مشترکہ تربیت کی تصدیق بھی کر دی ہے۔
