ملیر کورٹ کے عقب میں خاتون ٹرین کی زد میں آ کر جاں بحق
کراچی(بولونیوز)ملیرکورٹ کےعقب میں پیش آنےوالے افسوسناک واقعے میں ایک خاتون ٹرین کی زد میں آ کر جاں بحق ہو گئی۔پولیس کے مطابق حادثے میں جاں بحق ہونے والی خاتون کی شناخت تاحال نہیں ہو سکی، تاہم ان کی عمر تقریباً 50 سال بتائی جا رہی ہے۔ واقعے کی اطلاع ملتے ہی امدادی ٹیمیں موقع پر پہنچ گئیں اور لاش کو قانونی کارروائی کے لیے جناح اسپتال منتقل کر دیا گیا۔پولیس حکام کا کہنا ہے کہ واقعے کی مزید تحقیقات کی جا رہی ہیں تاکہ حادثے کی وجوہات معلوم کی جا سکیں۔
