کراچی سمیت ملک بھر میں دہشت گردی کی مذمت کرتے ہیں: ڈاکٹر فوزیہ صدیقی

کراچی(بولونیوز)گلوبل عافیہ موومنٹ کی چیئرپرسن ڈاکٹرفوزیہ صدیقی نےکراچی کےعلاقےموسمیات میں رینجرزکےدفترپر دہشتگردی کے بزدلانہ حملے کی شدید الفاظ میں مذمت کرتے ہوئے جانی نقصان پر گہرے دکھ کا اظہار کیا ہے- انہوں نے پاک فوج, رینجرز اور پولیس کے جوانوں کو خراج تحسین پیش کرتے ہوئے کہا کہ ملک و قوم کی سلامتی کیلئے جانوں کی قربانی دینے والے قوم کے حقیقی ہیرو ہیں- انہوں نے کہا کہ کراچی جتنا بڑا ہے اس میں تحفظ کا نظام اتنا ہی بڑا اور 7/24 کی بنیاد پر فعال ہونا چاہئے- انہوں نے کہا کہ عالمی سطح پر پاکستان کی سفارتی کامیابیاں دشمنوں پر بجلی بن کر گر رہی ہیں ایسے میں ہر وقت چوکنا رہنے کی ضرورت ہے- انہوں نے دعا کی کہ اللہ تعالیٰ شہداء کے درجات بلند اور زخمیوں کو جلد صحتیاب فرمائے-