کتلونیا: نئی کمپنیوں کی رجسٹریشن میں 36 فیصد اضافہ، کاروباری سرگرمیوں میں تیزی
کتلونیا(بولونیوز)نئی کمپنیوں کی رجسٹریشن میں 36 فیصد اضافہ، کاروباری سرگرمیوں میں تیزیاسپین کے علاقے کتلونیا میں رواں سال کے ابتدائی تین ماہ کے دوران نئی کمپنیوں کی رجسٹریشن میں نمایاں اضافہ ریکارڈ کیا گیا ہے۔
اعداد و شمار کے مطابق جنوری سے مارچ تک مجموعی طور پر 7,544 نئی کمپنیاں رجسٹر کی گئیں، جو گزشتہ سال کے اسی عرصے کے مقابلے میں 36 فیصد زیادہ ہیں۔
پورے اسپین کی سطح پر بھی کاروباری سرگرمیوں میں اضافہ دیکھا گیا ہے، جہاں اسی مدت کے دوران 38,226 نئی کمپنیاں قائم ہوئیں، جو مجموعی طور پر 28 فیصد اضافہ ظاہر کرتی ہیں۔
ماہرین کے مطابق کاروباری رجسٹریشن میں یہ اضافہ معاشی سرگرمیوں میں بہتری اور سرمایہ کاری کے بڑھتے ہوئے رجحان کی علامت ہے، تاہم عالمی معاشی صورتحال کے اثرات آئندہ مہینوں میں صورتحال کو متاثر کر سکتے ہیں۔
