میکسیکو سٹی: فیفا ورلڈکپ 2026 کا شاندار افتتاح، رنگارنگ تقریب اور میگا میوزیکل شو
میکسیکو(بولونیوز)فیفا ورلڈکپ 2026 کا باقاعدہ آغاز ایک شاندار، منظم اور پروقار افتتاحی تقریب کے ساتھ ہو گیا۔ افتتاحی تقریب میں اسٹیڈیم کو رنگ برنگی روشنیوں اور خصوصی سجاوٹ سے دلکش انداز میں سجایا گیا تھا، جس نے شائقین کو محظوظ کر دیا۔
تقریب کی خاص بات عالمی شہرت یافتہ گلوکارہ شکیرا اور برنا بوائے کی زبردست پرفارمنس رہی، جنہوں نے اپنی شاندار پرفارمنس سے اسٹیڈیم میں موجود اور دنیا بھر میں دیکھنے والے فٹبال شائقین کو جھومنے پر مجبور کر دیا۔
افتتاحی میچ میں میزبان ملک میکسیکو اور جنوبی افریقہ کی ٹیمیں آمنے سامنے ہیں، جس کے باعث میچ میں غیر معمولی دلچسپی دیکھی جا رہی ہے۔
فیفا ورلڈکپ 2026 کو اب تک کا سب سے بڑا اور یادگار ٹورنامنٹ قرار دیا جا رہا ہے، جس میں دنیا بھر کی ٹیمیں شرکت کر رہی ہیں۔
