عالمی منڈی میں خام تیل کی قیمتوں میں ایک بار پھر اضافہ
برینٹ(بولونیوز)عالمی منڈی میں خام تیل کی قیمتوں میں ایک مرتبہ پھر اضافہ ریکارڈ کیا گیا ہے، جس کے باعث تیل درآمد کرنے والے ممالک کے لیے دباؤ بڑھنے کا خدشہ ہے۔
بین الاقوامی تجارتی اعداد و شمار کے مطابق برینٹ خام تیل کی قیمت میں تقریباً ایک فیصد اضافہ ہوا ہے، جس کے بعد یہ بڑھ کر 97 ڈالر فی بیرل میں فروخت ہو رہا ہے۔
اسی طرح امریکی ڈبلیو ٹی آئی خام تیل کی قیمت میں بھی اضافہ دیکھنے میں آیا ہے، جو بڑھ کر 95 ڈالر فی بیرل تک پہنچ گئی ہے۔
ماہرین کے مطابق عالمی سطح پر طلب میں اضافے اور جغرافیائی و سیاسی صورتحال کے باعث تیل کی قیمتوں میں اتار چڑھاؤ جاری رہنے کا امکان ہے، جس کے اثرات عالمی معیشت پر بھی مرتب ہو سکتے ہیں۔
