روس کے میزائل اور ڈرون حملے، ہلاکتیں 22 تک پہنچ گئیں، 100 سے زائد زخمی
کیف(بولونیوز)یوکرین کے دارالحکومت کیف سمیت ملک کے متعدد بڑے شہروں پر روس کے میزائل اور ڈرون حملوں میں ہلاک افراد کی تعداد 22 ہو گئی ہے، جبکہ 100 سے زائد افراد زخمی بتائے جا رہے ہیں۔
غیر ملکی ذرائع کے مطابق حملوں کے نتیجے میں رہائشی علاقوں اور بنیادی تنصیبات کو بھی نقصان پہنچا ہے، جس کے باعث شہریوں میں خوف و ہراس پھیل گیا ہے۔ زخمیوں کو قریبی اسپتالوں میں منتقل کر کے طبی امداد فراہم کی جا رہی ہے۔
روسی میڈیا کا کہنا ہے کہ یوکرینی حملوں کے جواب میں روس، یوکرین میں فوجی اہداف کو نشانہ بنا رہا ہے۔ صورتحال کے پیش نظر سیکیورٹی ہائی الرٹ کر دی گئی ہے اور بین الاقوامی برادری کی جانب سے تشویش کا اظہار کیا جا رہا ہے۔
