امریکا نے ایران پر نئی پابندیاں عائد کر دیں
واشنگٹن(بولونیوز)ایسے وقت میں جب امریکا اور ایران کے درمیان امن معاہدے کی کوششیں جاری ہیں، امریکا نے ایران پر نئی پابندیاں عائد کر دی ہیں۔ امریکی محکمہ خزانہ نے ایران کے خلاف نئی پابندیوں کا اعلان کیا ہے، جو چار ایرانی شہروں اور کرپٹو ایکسچینجز پر عائد کی گئی ہیں۔
رپورٹ کے مطابق امریکی محکمہ خزانہ کا کہنا ہے کہ پابندیوں کی زد میں آنے والا کرپٹو نیٹ ورک ’’نوبی ٹیکس‘‘، ایران کا مرکزی بینک اور پاسدارانِ انقلاب کے لیے کروڑوں ڈالر کی مالی لین دین کا ذریعہ بن چکا تھا۔ امریکی حکام کے مطابق انٹرنیٹ بندش کے دوران بھی اس نیٹ ورک کے ذریعے لاکھوں ڈالر کے لین دین جاری رہے۔
امریکی حکام کا کہنا ہے کہ ان پابندیوں کا مقصد ایران کے مالیاتی نظام تک غیر قانونی رسائی کو روکنا اور مبینہ طور پر عسکری سرگرمیوں کی فنڈنگ کو محدود کرنا ہے، جبکہ ایران کی جانب سے اس اقدام پر ردِعمل کا امکان ظاہر کیا جا رہا ہے۔
