نیتن یاہو مکمل ناکام، طے شدہ اہداف میں سے کوئی بھی حاصل نہ کر سکے: اسرائیلی اپوزیشن رہنما

تل ابیب(بولونیوز)Yair Lapid نے اسرائیلی وزیراعظم نیتن یاہو پر شدید تنقید کرتے ہوئے کہا ہے کہ نیتن یاہو سیاسی اور حکمتِ عملی دونوں میں ناکام رہے اور اپنے ہی طے کردہ اہداف میں سے کوئی بھی مقصد حاصل نہ کر سکے۔

اپوزیشن رہنما کے مطابق نیتن یاہو کی ناکامی سے نہ صرف سیاسی بلکہ اسٹریٹجک نقصان بھی ہوا ہے، جسے درست کرنے میں برسوں لگ سکتے ہیں۔ انہوں نے کہا کہ اسرائیل کی پوری تاریخ میں ایسی سیاسی تباہی کبھی نہیں دیکھی گئی، اور اس دوران اسرائیل قومی سلامتی کے اہم فیصلوں کی میز پر موجود نہیں تھا۔

Yair Lapid نے واضح کیا کہ نیتن یاہو کی یہ ناکامی ملک کی داخلی اور خارجی پالیسیوں پر گہرے اثرات مرتب کرے گی اور اسرائیل کی ساکھ پر بھی سوالات پیدا ہو سکتے ہیں۔