سعودی عرب، 71 کلو گرام منشیات کے ساتھ 6 پاکستانی گرفتار
ریاض(بولونیوز)سعودی عرب میں 71 کلو گرام منشیات وصول کرتے ہوئے 6 پاکستانی شہری گرفتار کر لیے گئے ہیں۔
سعودی وزارتِ داخلہ کے سکیورٹی ترجمان طلال الشلہوب کے مطابق، جنرل ڈائریکٹوریٹ آف نارکوٹکس کنٹرول (جی ڈی این سی) نے زکوٰۃ، ٹیکس اینڈ کسٹمز اتھارٹی کے تعاون سے ریاض ریجن میں مقیم ملزمان کو حراست میں لیا۔ گرفتار افراد کو 71 کلو گرام میتھایمفیٹامین وصول کرتے ہوئے پکڑا گیا۔
سعودی حکام کا کہنا ہے کہ اس کارروائی کا مقصد ملک میں منشیات کی اسمگلنگ کی روک تھام اور عوام کی حفاظت کو یقینی بنانا ہے۔
