باپ کے ہاتھوں انتخابات میں بیٹے کو زبردست شکست
حیدرآباد(بولونیوز)بھارتی شہر حیدرآباد میں پنچایت انتخابات میں باپ نے بیٹے کو شکست دے دی۔
عالمی میڈیا کی رپورٹ کے مطابق حیدرآباد میں گرام پنچایت سرپنچ انتخابات میں ایک شخص نے اپنے ہی بیٹے کے خلاف زبردست کامیابی حاصل کی۔
پنچایت کا یہ انتخاب میدک ضلع کے رامایم پيٹ کے علاقے جھانسی لِنگاپور میں ہوا، جہاں دو مرتبہ سرپنچ انتخاب جیتنے والے راماکِشٹیا کے خلاف ان ہی کا بیٹا وینکٹیش کھڑا ہو گیا تھا۔
دونوں کی جانب سے زبردست انتخابی مہم چلائی گئی، تاہم ووٹروں نے باپ راماکِشٹیا پر اعتماد کا اظہار کرتے ہوئے انھیں 99 ووٹوں کی اکثریت سے کامیاب بنا دیا۔
