متحدہ عرب امارات نے پاکستانی شہریوں کے لیے ویزا سروسز عارضی طور پر معطل کردیں
متحدہ عرب امارات(بولونیوز)متحدہ عرب امارات (یو اے ای) نے عام پاکستانی پاسپورٹ ہولڈرز کے لیے ویزا جاری کرنے کی سروسز عارضی طور پر معطل کردی ہیں۔
ایڈیشنل سیکریٹری داخلہ سلمان چوہدری نے اس اقدام کی تصدیق کرتے ہوئے بتایا کہ یہ فیصلہ یو اے ای میں کچھ پاکستانی شہریوں کی مجرمانہ سرگرمیوں سے متعلق خدشات کے بعد کیا گیا ہے۔ تاہم نیلے پاسپورٹ، سرکاری اور سفارتی پاسپورٹ رکھنے والوں کی ویزا درخواستیں بدستور قبول کی جارہی ہیں۔
حکام کا کہنا ہے کہ اگر صورتحال میں بہتری نہ آئی تو یہ عارضی پابندی مکمل پابندی میں بدل سکتی ہے، جو پاکستان کے لیے سنگین معاشی نتائج کا باعث بن سکتی ہے۔ یو اے ای پاکستانی ورکرز کا اہم مرکز ہونے کے ساتھ ساتھ ملک کے لیے زرمبادلہ کے حصول کا بڑا ذریعہ بھی ہے۔
اس اقدام سے پاکستانی شہریوں کے سفر اور روزگار پر ممکنہ منفی اثرات کے حوالے سے تشنگیاں پیدا ہوئی ہیں۔
