ماسکو میں کار بم دھماکے میں روسی جنرل ہلاک
ماسکو(بولونیوز)یوکرینی ایجنٹوں کی بڑی کارروائی، ماسکو میں کار بم دھماکے میں سینئر روسی جنرل ہلاک ہو گیا۔
ماسکو میں کار بم دھماکے کے نتیجے میں روس کے ایک سینیئر جنرل ہلاک ہوگئے ہیں، لیفٹیننٹ جنرل فانیل سرواروف پیر کی صبح ایک دھماکے میں ہلاک ہوئے، دھماکا خیز مواد روسی جنرل کی گاڑی کے نیچے نصب تھا۔
روس کی تحقیقاتی کمیٹی کے مطابق سرواروف روسی مسلح افواج کے آپریشنل ٹریننگ ڈیپارٹمنٹ کے سربراہ تھے، روسی میڈیا کا کہنا ہے کہ حملے کے پیچھے یوکرینی اسپیشل فورسز کا ہاتھ ہے۔
تاہم یوکرین کی طرف سے ابھی تک نے اس بارے میں کوئی بیان سامنے نہیں آیا، روسی حکام نے دھماکے کی جگہ، جو ماسکو کے جنوب میں واقع ہے، پر تحقیقاتی ٹیمیں روانہ کر دی ہیں۔
