نواز شریف سینٹر آف ایمیننس میں ماہانہ دو لاکھ آمدن والے والدین سے بھی فیس نہیں لی جائے گی
لاہور(بولونیوز) وزیراعلیٰ پنجاب نے اعلان کیا ہے کہ نواز شریف سینٹر آف ایمیننس میں زیرِ تعلیم طلبہ کے والدین اگر ماہانہ دو لاکھ روپے تک آمدن رکھتے ہوں تب بھی ان سے کسی قسم کی تعلیمی فیس وصول نہیں کی جائے گی۔
رپورٹ کے مطابق صوبے بھر میں قائم 65 نواز شریف سینٹر آف ایمیننس میں داخلوں کے لیے اب تک 71 ہزار سے زائد طلبہ درخواستیں جمع کرا چکے ہیں، جس سے ان تعلیمی اداروں میں غیر معمولی دلچسپی کا اظہار ہوتا ہے۔
وزیراعلیٰ پنجاب کا کہنا ہے کہ معیاری تعلیم تک ہر بچے کی رسائی حکومت کی اولین ترجیح ہے، اور میرٹ کی بنیاد پر طلبہ کو جدید تعلیمی سہولیات فراہم کی جائیں گی تاکہ وہ مستقبل میں ملک و قوم کی ترقی میں مؤثر کردار ادا کر سکیں۔
