کراچی میں غیر قانونی گیس کنکشنز کے خلاف آپریشن، متعدد کنکشن منقطع
کراچی(بولونیوز) کراچی کے مختلف علاقوں میں سوئی سدرن گیس کمپنی کی ٹیموں نے غیر قانونی گیس کنکشنز اور گیس چوری کے خلاف کارروائیاں کرتے ہوئے متعدد غیر قانونی کنکشن منقطع کر دیے۔
ترجمان کے مطابق کارروائی کے دوران کئی مقامات پر گیس چوری کی نشاندہی کی گئی، جس سے قومی خزانے کو نقصان پہنچ رہا تھا۔ ٹیموں نے غیر قانونی تنصیبات کو ہٹا کر متعلقہ افراد کو نوٹس بھی جاری کیے۔
حکام کا کہنا ہے کہ گیس کی منصفانہ فراہمی یقینی بنانے اور لائن پریشر برقرار رکھنے کے لیے شہر بھر میں کارروائیاں جاری رہیں گی، جبکہ شہریوں سے بھی اپیل کی گئی ہے کہ گیس چوری کی اطلاع متعلقہ اداروں کو دیں تاکہ اس غیر قانونی عمل کی روک تھام ممکن بنائی جا سکے۔
