میٹا کے دفتر میں پارسل سے نکلنے والی گلہری نے سب کو حیران کر دیا
بنکاک(بولونیوز)تھائی لینڈ کے دارالحکومت بنکاک میں میٹا کے دفتر میں اس وقت دلچسپ صورتحال پیدا ہوگئی جب ایک پارسل کھولنے پر اس میں سے اچانک گلہری نکل آئی، جس نے دفتر میں موجود افراد کو حیران کر دیا۔
رپورٹس کے مطابق گلہری کچھ دیر تک دفتر کے مختلف حصوں میں آزادانہ گھومتی رہی، جبکہ عملہ اسے محفوظ طریقے سے پکڑنے کی کوشش کرتا رہا۔
واقعے کے دوران گلہری نے ایک صفائی کرنے والے ملازم کی انگلی پر معمولی چک بھی لگا دی، تاہم کسی کے شدید زخمی ہونے کی اطلاع نہیں ملی۔
یہ انوکھا واقعہ سوشل میڈیا پر بھی توجہ کا مرکز بن گیا، جہاں صارفین نے اس پر دلچسپ تبصرے کیے۔
