رحمان ٹاؤن میں ایک شخص کی لاش برآمد، پولیس نے تحقیقات شروع کر دیں
اسلام آباد(بولونیوز) تھانہ نون کی حدود رحمان ٹاؤن سے ایک شخص کی لاش برآمد ہوئی ہے، جس کے بعد پولیس نے واقعے کی تحقیقات کا آغاز کر دیا ہے۔ ابتدائی طور پر معاملہ مشکوک قرار دیا جا رہا ہے۔
پولیس کے مطابق ایس ایچ او تھانہ نون میاں عمران پولیس ٹیم کے ہمراہ موقع پر موجود ہیں اور شواہد اکٹھے کیے جا رہے ہیں، جبکہ لاش کو ضروری قانونی کارروائی کے لیے اسپتال منتقل کر دیا گیا ہے۔
پولیس کا کہنا ہے کہ واقعے کے تمام پہلوؤں کا جائزہ لیا جا رہا ہے اور حقائق سامنے لانے کے لیے تحقیقات جاری ہیں۔ ابتدائی معلومات کی بنیاد پر کسی حتمی نتیجے پر نہیں پہنچا جا سکتا۔
حکام کے مطابق تفتیش مکمل ہونے اور شواہد کی روشنی میں مزید قانونی کارروائی عمل میں لائی جائے گی۔
