اسرائیلی فوج میں بھرتی سے انکار پر احتجاج، گرفتاریاں جاری
تل ابیب(بولونیوز)اسرائیل میں فوجی بھرتی سے انکار کرنے والوں کے خلاف کارروائیوں اور گرفتاریوں کا سلسلہ جاری ہے، جس کے بعد مختلف شہروں میں احتجاجی مظاہرے بھی سامنے آ گئے ہیں۔
فوجی حراستی مرکز کے باہر مظاہرین نے گرفتاریوں کے خلاف احتجاج کیا۔ یہ احتجاج تل ابیب سے تقریباً 30 کلومیٹر دور واقع بیت لید فوجی اڈے کے سامنے کیا گیا۔
مظاہرین نے حکومت اور فوجی پالیسیوں کے خلاف نعرے بازی کرتے ہوئے کہا کہ وہ کسی صورت فوج میں بھرتی نہیں ہوں گے، اور “مر جائیں گے مگر اسرائیلی فوج میں شامل نہیں ہوں گے” جیسے نعرے لگائے گئے۔
ذرائع کے مطابق احتجاج کے دوران سیکیورٹی فورسز اور مظاہرین کے درمیان کشیدگی بھی دیکھی گئی، جبکہ گرفتاریوں کا سلسلہ بدستور جاری ہے۔
