ٹرمپ کا ایران اور اسرائیل سے متعلق متنازع بیان

واشنگٹن(بولونیوز)امریکی صدر ڈونلڈ ٹرمپ نے ایران اور اسرائیل سے متعلق ایک متنازع بیان دیتے ہوئے کہا ہے کہ ایرانی بہت ذہین لوگ ہیں اور ایک طرح سے ابتدائی دور کے نابغہ سمجھے جا سکتے ہیں، تاہم وہ نہایت ہوشیار بھی ہیں۔

ٹرمپ کا کہنا تھا کہ اگر وہ اقتدار میں نہ ہوتے تو ایران، اسرائیل کو تباہ کر دیتا اور آج اسرائیل کا وجود باقی نہ رہتا۔ انہوں نے دعویٰ کیا کہ ان کی پالیسیوں اور اقدامات کے باعث اسرائیل محفوظ رہا۔

ٹرمپ کے اس بیان کو عالمی سطح پر مختلف زاویوں سے دیکھا جا رہا ہے، جبکہ سیاسی مبصرین کے مطابق یہ بیان ایک بار پھر مشرقِ وسطیٰ کی حساس صورتحال کو اجاگر کرتا ہے۔ اس حوالے سے اسرائیلی یا ایرانی حکام کی جانب سے تاحال کوئی باضابطہ ردِعمل سامنے نہیں آیا۔