جنوبی لبنان میں بیفورٹ قلعے پر قبضہ، حزب اللہ کے خلاف مہم میں اہم موڑ: نیتن یاہو
تل ابیب(بولونیوز)اسرائیلی وزیراعظم بنیامین نیتن یاہو نے کہا ہے کہ جنوبی لبنان میں بیفورٹ قلعہ پر قبضہ حزب اللہ کے خلاف جاری مہم میں ایک “اہم موڑ” ثابت ہوگا۔
ویڈیو پیغام میں اسرائیلی وزیراعظم نے کہا کہ “آج ہم بیفورٹ ایک مختلف انداز میں واپس آئے ہیں۔ ہم متحد، پرعزم اور پہلے سے زیادہ مضبوط ہو کر واپس آئے ہیں۔”
نیتن یاہو کے مطابق فورٹ بیفورٹ پر قبضہ صرف ایک عسکری قدم نہیں بلکہ اس پالیسی میں ایک بنیادی تبدیلی کی علامت ہے جسے اسرائیل نے اپنایا ہے۔ انہوں نے کہا کہ “ہم نے خوف کی رکاوٹ کو ختم کر دیا ہے، ہم نے پہل کی ہے اور اب شام، غزہ اور لبنان میں تمام محاذوں پر سرگرم عمل ہیں۔”
اسرائیلی وزیراعظم کا کہنا تھا کہ یہ اقدامات اسرائیل کی سلامتی کو یقینی بنانے اور اپنے دشمنوں کے خلاف مضبوط حکمتِ عملی کے تحت کیے جا رہے ہیں۔
