پیرس میں یورپ کی سب سے بڑی اسلحہ نمائش میں اسرائیل کی شرکت پر پابندی عائد
پیرس(بولونیوز)فرانس نے پیرس میں ہونے والی یورپ کی سب سے بڑی اسلحہ نمائش میں اسرائیل کی شرکت پر پابندی عائد کر دی ہے۔ فرانسیسی حکومت نے اس فیصلے سے اسرائیلی وزارتِ دفاع کو باضابطہ طور پر آگاہ کر دیا ہے۔
فرانسیسی حکومت نے یورپ کی سب سے بڑی دفاعی نمائش میں اسرائیل کی شرکت روکنے کا فیصلہ کیا ہے، جس پر عملدرآمد کے لیے اسرائیلی حکام کو مطلع کر دیا گیا ہے۔
یہ اسلحہ نمائش پیرس میں اس ماہ کے آخر میں منعقد ہونے والی ہے، جس کا نام یورو ساٹوری ہے اور اسے یورپ کی سب سے بڑی دفاعی نمائش قرار دیا جاتا ہے۔
فرانسیسی حکومت کی جانب سے پابندی کی وجوہات پر باضابطہ تفصیلات سامنے نہیں آئیں، تاہم اس فیصلے کو موجودہ علاقائی اور عالمی سیاسی صورتحال کے تناظر میں اہم قرار دیا جا رہا ہے۔ اس اقدام کے بعد اسرائیل اور فرانس کے تعلقات میں ممکنہ سفارتی تناؤ پر بھی تبصرے شروع ہو گئے ہیں۔
