کراچی میں پانی کے بدترین بحران پراپوزیشن لیڈرکےایم سی کامیئرکراچی کوتین دن کا الٹی میٹم
کراچی(بولونیوز)جماعتِ اسلامی کے اپوزیشن لیڈر برائے کراچی میٹروپولیٹن کارپوریشن نے شہر میں پانی کے بدترین بحران پر میئر کراچی کو تین دن کا الٹی میٹم دے دیا ہے۔
اپوزیشن لیڈر نے خبردار کیا ہے کہ اگر تین دن کے اندر شہر میں پانی کی فراہمی بہتر نہ کی گئی تو جماعتِ اسلامی واٹر اینڈ سیوریج کارپوریشن کے ہیڈ آفس سمیت کراچی بھر میں احتجاجی مظاہرے کرے گی۔
انہوں نے کہا کہ کراچی کے مختلف علاقوں میں شہری شدید مشکلات کا شکار ہیں، ٹینکروں کا مہنگا پانی خریدنے پر مجبور ہیں جبکہ سرکاری ادارے مسئلے کے حل میں ناکام دکھائی دیتے ہیں۔ اپوزیشن لیڈر کے مطابق پانی کا بحران انتظامی نااہلی کا نتیجہ ہے جس پر خاموشی اختیار نہیں کی جا سکتی۔
جماعتِ اسلامی نے مطالبہ کیا ہے کہ فوری طور پر پانی کی منصفانہ تقسیم، لائنوں کی مرمت اور غیر قانونی ہائیڈرنٹس کے خلاف سخت کارروائی کی جائے، بصورتِ دیگر احتجاجی تحریک کو مزید وسعت دی جائے گی۔
