پی اے ایف اکیڈمی رسالپور میں گریجویشن پریڈ، پاک فضائیہ کو جدید اور مضبوط فورس قرار
رسالپور(بولونیوز) Pakistan Air Force Academy Risalpur میں جی ڈی پی 152 اور الائیڈ کورسز کی گریجویشن پریڈ کی پروقار تقریب منعقد ہوئی، جس میں اعلیٰ عسکری قیادت نے شرکت کی۔
تقریب میں چیف آف دی نیول اسٹاف Naveed Ashraf مہمانِ خصوصی تھے، جبکہ Zaheer Ahmad Babar Sidhu نے بھی خصوصی شرکت کی۔ مہمانِ خصوصی نے پریڈ کا معائنہ کیا اور نمایاں کارکردگی دکھانے والے کیڈٹس میں اعزازات تقسیم کیے، جبکہ پاس آؤٹ ہونے والے کیڈٹس نے حلف بھی اٹھایا۔
خطاب کرتے ہوئے نیول چیف ایڈمرل نوید اشرف نے پاس آؤٹ ہونے والے کیڈٹس کو مبارکباد دی اور کہا کہ معرکۂ حق کے دوران پاک فضائیہ نے شاندار کارکردگی کا مظاہرہ کیا۔ انہوں نے کہا کہ Pakistan Air Force جدید ٹیکنالوجی سے لیس ایک مضبوط فورس ہے جو سائبر اور الیکٹرانک وارفیئر میں بھی بھرپور مہارت رکھتی ہے۔
انہوں نے مزید کہا کہ Pakistan Navy ملک کی بحری سرحدوں کے دفاع میں اہم کردار ادا کر رہی ہے اور پاکستان کسی بھی جارحیت کا منہ توڑ جواب دینے کے لیے ہر وقت تیار ہے۔
نیول چیف نے اس موقع پر قوم کی حمایت کو دہشت گردی کے خلاف کامیابی کی بنیاد قرار دیا اور کہا کہ سیاسی و عسکری قیادت کی کوششوں سے خطے میں جنگ بندی کے لیے مثبت پیش رفت ممکن ہوئی ہے۔
