500 ملین ڈالر خرچ کرکےبےگھرافراد کے لیے مفت اسپتال قائم کر دیا
لاس اینجلس(بولونیوز) عالمی شہرت یافتہ ٹینس اسٹار سرینا ولیمز نے مبینہ طور پر اپنی پوری ذاتی دولت، جس کی مالیت تقریباً 500 ملین ڈالر بتائی جاتی ہے، بے گھر اور غیر بیمہ شدہ افراد کے لیے دنیا کا سب سے بڑا مفت اسپتال قائم کرنے پر خرچ کر دی ہے۔
ذرائع کے مطابق سرینا ولیمز نے خاموشی سے اپنے تمام اثاثے—جن میں اسٹاکس، جائیدادیں، زیورات حتیٰ کہ ان کے 23 گرینڈ سلیم ٹرافیز بھی شامل ہیں—فروخت یا استعمال کر کے “کوئنز مرسی میڈیکل سٹی” کے نام سے ایک جدید اسپتال تعمیر کروایا۔ یہ 1,200 بستروں پر مشتمل اسپتال لاس اینجلس کے علاقے اسکڈ رو میں قائم کیا گیا ہے، جو صرف بے گھر اور غریب افراد کے لیے وقف ہے اور جہاں تمام سہولیات ہمیشہ کے لیے مکمل طور پر مفت ہوں گی۔
تعمیراتی عملے کے مطابق سرینا ولیمز گزشتہ 114 دنوں سے اسپتال کی جگہ پر ایک خیمے میں رہ رہی تھیں، ننگے پاؤں کام کرتیں، رات تین بجے وہیل بیرو دھکیلتی دیکھی گئیں، جبکہ وہ اپنے دوسرے بچے کی امید سے بھی تھیں۔
ذرائع کا کہنا ہے کہ اسپتال کے دروازے آدھی رات کو کھولے گئے، جہاں سرینا ولیمز خود آنسوؤں کے ساتھ پہلے مریض—ایک بے ہوش سابق فوجی—کو وہیل چیئر پر اسپتال میں داخل کراتے ہوئے نظر آئیں اور اس کا ہاتھ تھامے رکھا۔
اس جدید طبی مرکز میں اسٹیٹ آف دی آرٹ ایمرجنسی ڈیپارٹمنٹ، کینسر وارڈز، ذہنی صحت کے خصوصی فلورز، ڈینٹل سوئٹس اور یہاں تک کہ چھت پر قائم زرعی فارم بھی شامل ہے۔ اسپتال میں فراہم کی جانے والی ہر سہولت مکمل طور پر مفت ہوگی۔
رپورٹ کے مطابق سرینا ولیمز نے حال ہی میں اپنا فلوریڈا میں واقع شاندار محل بھی فروخت کر دیا تاکہ آخری مرحلے میں ایم آر آئی مشینیں خریدی جا سکیں۔
اس منصوبے کو انسانیت کی خدمت کی ایک بے مثال مثال قرار دیا جا رہا ہے، جس نے دنیا بھر میں توجہ حاصل کر لی ہے۔
