اے این ایف کا ملک بھر میں منشیات اسمگلنگ کے خلاف بڑا کریک ڈاؤن، 11 ملزمان گرفتار
اسلام آباد(بولونیوز)ایئر پورٹ اینڈ نیویگیشن فورس (اے این ایف) نے ملک کے مختلف شہروں میں منشیات اسمگلنگ کے خلاف کریک ڈاؤن کیا، جس کے دوران 7 کارروائیوں میں 11 ملزمان گرفتار کیے گئے۔ ان کارروائیوں کے دوران 472.39 کلوگرام منشیات برآمد کی گئی، جس کی مالیت تقریباً 13 کروڑ 66 لاکھ روپے بتائی گئی ہے۔
کارروائیوں کی تفصیلات درج ذیل ہیں:
جوسک، کیچ میں گاڑی سے 300 کلو آئس اور 40 کلو ہیروئن برآمد، 2 ملزمان گرفتار۔
یارو، پشین کے قریب گاڑی سے 24 کلو چرس برآمد، ملزم گرفتار۔
اسلام آباد ٹول پلازہ کے قریب گاڑی سے 4.8 کلو چرس اور 2 کلو آئس برآمد، 2 ملزمان گرفتار۔
نوشہرہ پبی بازار کے قریب گاڑی سے 12 کلو گرام چرس برآمد، ملزم گرفتار۔
حب ریور روڈ، جامعہ فاروقیہ کے قریب دو گاڑیوں سے 84 کلو گرام چرس برآمد، 3 ملزمان گرفتار۔
راولپنڈی کارگو آفس میں پارسل سے 2.4 کلو گرام افیون اور 790 گرام آئس برآمد، ملزم گرفتار۔
لاہور بند روڈ کے قریب ملزم کے قبضے سے 2.4 کلو گرام چرس برآمد۔
ایئر پورٹ اینڈ نیویگیشن فورس نے تمام کارروائیوں کے سلسلے میں انسداد منشیات ایکٹ 1997 کے تحت مقدمات درج کر کے تحقیقات کا آغاز کر دیا ہے۔
