گلگت بلتستان میں صرف 6 نشستیں، ن لیگ کی ناکامی پر نواز شریف متحرک
اسلام آباد(بولونیوز)گلگت بلتستان میں محدود نشستیں حاصل کرنے پر مسلم لیگ (ن) کی قیادت متحرک ہو گئی ہے۔ پارٹی ذرائع کے مطابق انتخابی نتائج کے بعد قائد مسلم لیگ (ن) نواز شریف نے صورتحال کا نوٹس لیتے ہوئے اندرونی سطح پر مشاورت کا آغاز کر دیا ہے۔
ذرائع کا کہنا ہے کہ پارٹی کے اندر پائے جانے والے اختلافات، انتخابی حکمتِ عملی کی خامیوں اور تنظیمی کمزوریوں کی باقاعدہ تحقیقات کا فیصلہ کیا گیا ہے۔ اس سلسلے میں ذمہ داران سے تفصیلی رپورٹ بھی طلب کی جائے گی تاکہ ناکامی کی اصل وجوہات سامنے لائی جا سکیں۔
پارٹی قیادت کا مؤقف ہے کہ گلگت بلتستان میں آئندہ سیاسی حکمتِ عملی کو مؤثر بنانے کے لیے تنظیم نو ناگزیر ہے، جبکہ کارکنان کو متحرک کرنے اور مقامی سطح پر رابطے مضبوط بنانے پر بھی غور کیا جا رہا ہے۔
سیاسی مبصرین کے مطابق ن لیگ کی اعلیٰ قیادت کی براہِ راست مداخلت سے پارٹی کے اندر احتساب اور اصلاحات کا عمل تیز ہونے کا امکان ہے، جس کے اثرات آئندہ انتخابات میں دیکھنے کو مل سکتے ہیں۔
