آزاد کشمیر کے سابق وزیراعظم تنویر الیاس نے پیپلز پارٹی سے راہیں جدا کر لیں

اسلام آباد(بولونیوز)آزاد کشمیر کے سابق وزیراعظم تنویر الیاس نے پاکستان پیپلز پارٹی سے علیحدگی اختیار کر لی ہے۔ سیاسی ذرائع کے مطابق تنویر الیاس نے پارٹی قیادت سے اختلافات کے باعث یہ فیصلہ کیا۔

دوسری جانب پیپلز پارٹی کے سینئر رہنما چودھری علی شان سونی نے بھی پارٹی سے علیحدگی کے ساتھ ساتھ اپنی وزارت سے استعفیٰ دے دیا ہے۔ ان کا کہنا ہے کہ موجودہ سیاسی حالات میں پارٹی پالیسیوں سے اتفاق ممکن نہیں رہا۔

سیاسی مبصرین کے مطابق ان اہم رہنماؤں کی علیحدگی کو پاکستان پیپلز پارٹی کے لیے آزاد کشمیر میں بڑا سیاسی دھچکا قرار دیا جا رہا ہے، جبکہ آنے والے دنوں میں مزید سیاسی تبدیلیوں کا امکان بھی ظاہر کیا جا رہا ہے۔