سونے کی قیمت میں بڑی کمی، فی تولہ نرخ 5200 روپے کم
کراچی(بولونیوز)بین الاقوامی مارکیٹ میں سونے کی قیمتوں میں نمایاں کمی کے اثرات مقامی صرافہ بازار تک بھی پہنچ گئے ہیں۔ کراچی صرافہ بازار میں فی تولہ سونا 5200 روپے سستا ہو کر 4 لاکھ 19 ہزار 636 روپے کی سطح پر آ گیا ہے۔
صرافہ ذرائع کے مطابق عالمی منڈی میں سونے کی قیمت میں کمی کے باعث مقامی مارکیٹ میں بھی نرخ نیچے آئے ہیں، جس سے خریداروں میں وقتی طور پر دلچسپی میں اضافہ دیکھنے میں آ رہا ہے۔
دوسری جانب فی 10 گرام سونے کی قیمت میں بھی نمایاں کمی ریکارڈ کی گئی ہے، جبکہ چاندی کی قیمتوں میں اتار چڑھاؤ کا رجحان برقرار ہے۔ ماہرین کا کہنا ہے کہ اگر عالمی مارکیٹ میں یہی صورتحال رہی تو آئندہ دنوں میں سونے کی قیمتوں میں مزید رد و بدل ممکن ہے۔
