عالمی منڈی میں تیل سستا، پاکستانیوں کے لیے بڑی خوشخبری

اسلام آباد(بولونیوز)عالمی منڈی میں خام تیل کی قیمتوں میں مسلسل کمی کے بعد پاکستان میں بھی پیٹرولیم مصنوعات مزید سستی ہونے کی امید پیدا ہو گئی ہے۔ ماہرین کے مطابق اگر عالمی مارکیٹ میں یہی رجحان برقرار رہا تو آئندہ قیمتوں میں عوام کو مزید ریلیف مل سکتا ہے۔

حکومتی ذرائع کا کہنا ہے کہ پیٹرولیم مصنوعات کی قیمتوں کے حوالے سے مختلف آپشنز پر غور جاری ہے، تاہم حتمی فیصلہ اوگرا کی ورکنگ اور وفاقی حکومت کی منظوری کے بعد کیا جائے گا۔

ذرائع کے مطابق عالمی سطح پر خام تیل کی قیمتوں میں کمی کا براہِ راست فائدہ مقامی مارکیٹ تک منتقل ہونے کا امکان ہے، جس سے پیٹرول، ڈیزل اور دیگر مصنوعات کی قیمتوں میں کمی ہو سکتی ہے۔ اس خبر کے بعد عوامی حلقوں میں نئے ریلیف کی امیدیں بڑھ گئی ہیں۔