ایران کی جوہری تنصیبات کے معائنے کا کوئی منصوبہ نہیں، وزارت خارجہ
تہران(بولونیوز)ایران کی وزارت خارجہ کے ترجمان اسماعیل بقائی نے واضح کیا ہے کہ اس وقت بین الاقوامی ایٹمی توانائی ایجنسی کے لیے ایران کی جوہری تنصیبات کا معائنہ کرنے کا کوئی منصوبہ موجود نہیں ہے۔
وزارت خارجہ کے ترجمان نے آج میڈیا سے گفتگو کرتے ہوئے کہا کہ ایران کی جوہری تنصیبات کے حوالے سے آئی اے ای اے کے معائنے سے متعلق فی الحال کوئی شیڈول یا انتظام طے نہیں کیا گیا۔ ان کا کہنا تھا کہ اس معاملے پر قیاس آرائیوں سے گریز کیا جانا چاہیے۔
ترجمان کے مطابق ایران اپنی جوہری سرگرمیوں کے حوالے سے بین الاقوامی قوانین کے دائرے میں رہتے ہوئے فیصلے کرتا ہے، تاہم معائنے کے حوالے سے کوئی نیا اقدام اس وقت زیر غور نہیں۔ اس بیان کو خطے میں جاری سفارتی اور جوہری امور کے تناظر میں اہم قرار دیا جا رہا ہے۔
