سُتھرا پنجاب کے بے لگام ٹرک نے موٹر سائیکل کو روند ڈالا
لاہور(بولونیوز)سُتھرا پنجاب کے بے لگام ٹرک نے ایک موٹر سائیکل کو روند کر ایک اور گھر کا چراغ گُل کر دیا۔لاہور کے علاقے کوٹ لکھپت میں تیز رفتاری کا مظاہرہ کرنے والے ستھرا پنجاب کے بے لگام ٹرک نے موٹر سائیکل سوار کو روند ڈالا، جس سے ڈیڑھ سال کی معصوم بچی جاں بحق جب کہ اس کے والدین شدید زخمی ہو گئے۔
حادثے کے بعد مشتعل ہجوم نے ڈرائیور کو پکڑ کر شدید تشدد کا نشانہ بنایا۔ ٹریفک انسپکٹر کوٹ لکھپت نے موقع پر پہنچ کر ٹرک ڈرائیور کو مشتعل شہریوں سے بچا کر اپنی تحویل میں لیا۔
ٹریفک پولیس نے ڈرائیور، ٹرک اور موٹر سائیکل کو مزید قانونی کارروائی کے لیے متعلقہ تھانے کے حوالے کر دیا۔ لاہور ٹریفک پولیس نے ستھرا پنجاب کے ڈرائیورز کی تربیت کے لیے پہلے ہی متعلقہ حکام کو خط لکھا تھا۔
