رضا ڈار کے خلاف ایک اور مقدمہ درج
کراچی(بولونیوز) شہری عثمان کی مدعیت میں رضا ڈار کے خلاف ایک اور مقدمہ درج کر لیا گیا ہے۔ مدعی کے مطابق ملزم کی جانب سے ہٹ اینڈ رن کے واقعے میں اس کی گاڑی کو نقصان پہنچایا گیا، جس سے تقریباً 3 لاکھ روپے کا مالی نقصان ہوا۔
تفصیلات کے مطابق حادثہ یکم جولائی کو شام پونے آٹھ بجے کے قریب ایئرپورٹ کے نزدیک ٹویوٹا موٹرز کے قریب پیش آیا۔ واقعے کے بعد ملزم موقع سے فرار ہو گیا۔
پولیس کے مطابق مقدمہ ساؤتھ کینٹ پولیس نے درج کر لیا ہے اور واقعے کی تحقیقات جاری ہیں۔ پولیس کا کہنا ہے کہ شواہد کی روشنی میں قانونی کارروائی کو آگے بڑھایا جا رہا ہے۔
