ایس ایس پی محمد سرفراز ورک بطور اے آئی جی آپریشنز پنجاب تعینات
لاہور(بولونیوز) سول سروسز آف پاکستان کے گریڈ 19 کے سینئر پولیس افسر محمد سرفراز ورک کو اسٹیبلشمنٹ ڈویژن کے احکامات کے تحت وفاقی دارالحکومت سے تبادلے کے بعد پنجاب پولیس میں اہم ذمہ داری سونپ دی گئی ہے۔ اس حوالے سے انہیں اے آئی جی آپریشنز پنجاب تعینات کرنے کا باضابطہ نوٹیفکیشن جاری کر دیا گیا ہے۔
ذرائع کے مطابق محمد سرفراز ورک حال ہی میں جون 2026 میں اسلام آباد ٹریفک پولیس (ITP) ہیڈکوارٹرز میں بطور چیف ٹریفک آفیسر (CTO) اپنی ذمہ داریاں انجام دے چکے ہیں، جہاں ان کے اعزاز میں ایک پروقار الوداعی تقریب بھی منعقد کی گئی تھی۔
محمد سرفراز ورک کا تعلق پولیس سروس آف پاکستان (PSP) کے 42ویں کامن سے ہے۔ وہ اسلام آباد میں بطور ایس ایس پی سیکیورٹی اور بعد ازاں چیف ٹریفک آفیسر (CTO) خدمات سرانجام دے چکے ہیں۔ نئی تعیناتی کے بعد پنجاب میں آپریشنل امور کی بہتری اور پولیسنگ کے نظام کو مزید مؤثر بنانے کی توقع کی جا رہی ہے۔
