پنجاب حکومت کا کاہنہ واقعہ کے متاثرہ خاندانوں کے لیے مالی امداد کا اعلان
لاہور(بولونیوز)پنجاب حکومت نے کاہنہ کے افسوسناک واقعہ میں متاثرہ خاندانوں کے لیے مالی امداد کا اعلان کر دیا ہے۔اعلامیے کے مطابق واقعہ میں جاں بحق ہونے والے 14 بچوں کے لواحقین کو فی کس 20،20 لاکھ روپے مالی امداد فراہم کی جائے گی، جبکہ زخمی افراد کو فی کس 5،5 لاکھ روپے دیے جائیں گے۔
پنجاب حکومت کا کہنا ہے کہ متاثرہ خاندانوں کی ہر ممکن معاونت کی جائے گی اور امدادی رقوم کی ادائیگی جلد از جلد مکمل کی جائے گی۔ حکام کے مطابق متاثرین کے علاج اور بحالی کے لیے بھی متعلقہ اداروں کو ہدایات جاری کر دی گئی ہیں۔
