واہگہ بارڈر پر تاریخی پیغام کی دوبارہ نشر، فلک شگاف نعروں سے فضا گونج اٹھی

واہگہ بارڈر(ایچ آراین ڈبلیو) پاکستان اور بھارت کے درمیان تاریخی سرحد واہگہ بارڈر پر پرچم اتارنے کی روایتی تقریب کے دوران ماحول اس وقت جوش و جذبے سے بھر گیا جب بڑی اسکرینوں پر ایک پرانا عسکری پیغام دوبارہ نشر کیا گیا۔
تقریب کے موقع پر اسکرینز پر لیفٹیننٹ جنرل احمد شریف چوہدری (ڈی جی آئی ایس پی آر) کا وہ پیغام دکھایا گیا، جس میں مبینہ طور پر قومی دفاع اور ردعمل کے عزم کا اظہار کیا گیا تھا۔ پیغام کے نشر ہوتے ہی موجود شرکاء نے زوردار نعروں سے اس کا خیرمقدم کیا۔
اطلاعات کے مطابق اس موقع پر “ناؤ جسٹ ویٹ فار آور ریسپانس” جیسے نعرے گونجتے رہے، جبکہ شرکاء نے اسے قومی عزم اور حوصلے کے اظہار کے طور پر دیکھا۔
رپورٹ میں کہا گیا ہے کہ اس پیغام کی دوبارہ تشہیر کو بعض حلقے ایک علامتی اقدام کے طور پر دیکھ رہے ہیں، جس کا مقصد قومی یکجہتی اور دفاعی عزم کو اجاگر کرنا بتایا جا رہا ہے۔
واہگہ بارڈر پر ہونے والی اس تقریب کے دوران بڑی تعداد میں شہریوں نے شرکت کی اور روایتی پریڈ کو بھرپور جوش و خروش سے دیکھا۔