پیٹرول پمپ ڈیلرز کی دوبارہ دھمکی: پمپ بند کرنے کا امکان

اسلام آباد(بولونیوز)پٹرول پمپ ڈیلرز ایسوسی ایشن نے حکومت کی جانب سے مارجن نہ بڑھائے جانے پر ایک بار پھر پمپ بند کرنے کی دھمکی دے دی ہے۔

اسلام آباد میں پریس کانفرنس کے دوران چیئرمین پٹرول پمپ ڈیلرز ایسوسی ایشن سمیع خان نے کہا کہ پٹرولیم مصنوعات کی بڑھتی ہوئی قیمتوں کے باوجود ڈیلرز کے مارجن بہت کم ہیں، جس کی وجہ سے کاروبار کے اخراجات پورے نہیں ہو رہے۔

ان کا کہنا تھا کہ اگر حکومت نے ڈیلرز کا مارجن نہ بڑھایا تو مجبوراً پمپس بند کرنے پر مجبور ہوں گے۔ انہوں نے خبردار کیا کہ مطالبات تسلیم نہ ہونے کی صورت میں پمپ بند کرنا پڑ سکتے ہیں۔

اسی پریس کانفرنس میں رہنما ہمایوں خان نے کہا کہ حکومت نے پٹرول کی قیمتوں میں اضافہ تو کر دیا ہے لیکن ڈیلرز کے مارجن میں کوئی تبدیلی نہیں کی گئی، جس سے پٹرول پمپ کاروبار شدید متاثر ہو رہا ہے۔ انہوں نے واضح کیا کہ حکومت کے اقدامات نہ ہونے کی صورت میں پمپ خودبخود بند ہونا شروع ہو جائیں گے۔

پٹرول پمپ ڈیلرز کی جانب سے یہ دھمکی ملک بھر میں ایندھن کی دستیابی پر اثر ڈال سکتی ہے، جبکہ عوام کو ضروری احتیاط کرنے کی ہدایت کی گئی ہے۔