دشمن کے مکمل سرنڈر تک جنگ پوری شدت سے جاری رہے گی، ترجمان ایرانی وزارتِ دفاع
تہران(بولونیوز)ترجمان ایرانی وزارتِ دفاع نے واضح کیا ہے کہ دشمن کے مکمل سرنڈر تک جنگ پوری شدت، طاقت اور عزم کے ساتھ جاری رکھی جائے گی۔ انہوں نے کہا کہ ایران کسی بھی دباؤ یا دھمکی سے مرعوب ہونے والا نہیں اور میدانِ جنگ میں فیصلہ کن برتری حاصل کی جا رہی ہے۔
ترجمان کے مطابق آج خلیج فارس اور بحیرۂ عمان میں دشمن کے کسی بھی جہاز کا کوئی نشان نہیں ملا، جو ایرانی افواج کی مؤثر حکمتِ عملی اور دفاعی برتری کا واضح ثبوت ہے۔
انہوں نے مزید کہا کہ یہ پیش رفت ایرانی قوم، مجاہد جنگجوؤں اور مزاحمتی محاذ کی مکمل فتح تک جاری رہے گی۔ ترجمان کا کہنا تھا کہ ایران اپنی خودمختاری، سلامتی اور قومی وقار کے دفاع کے لیے ہر سطح پر تیار ہے اور دشمن کو اس جارحیت کی بھاری قیمت چکانا پڑے گی۔
ایرانی وزارتِ دفاع کے ترجمان نے زور دیا کہ قوم کا اتحاد اور افواج کا عزم اس جنگ میں سب سے بڑی طاقت ہے، اور دشمن کی تمام سازشیں ناکامی سے دوچار ہوں گی۔
