کشیدگی کم کرنے کیلئےپاکستان ایران اور امریکا کے درمیان ثالثی کے لیے تیار ہے
اسلام آباد(بولونیوز)عطا اللّٰہ تارڑ نے کہا ہے کہ پاکستان کشیدگی میں کمی کے لیے ایران اور امریکا کے درمیان ثالثی کے لیے تیار ہے۔ انہوں نے یہ بات 18 مارچ 2026 کو عرب میڈیا سے گفتگو کے دوران کہی۔
وفاقی وزیر اطلاعات نے بتایا کہ پاکستان نے ماضی میں بھی تنازعات کے حل کے لیے کامیابی سے ثالثی کا کردار ادا کیا ہے۔ انہوں نے کہا کہ پاکستان ایران پر حملوں کی مذمت کرتا ہے اور خلیجی ممالک کے ساتھ یکجہتی کا اظہار بھی کرتا ہے۔
عطا اللّٰہ تارڑ نے افغان طالبان کے اسپتال پر بمباری کے الزام کو بے بنیاد قرار دیا اور کہا کہ طالبان پہلے بھی گمراہ کن خبریں پھیلا چکے ہیں۔
انہوں نے مزید کہا کہ پاک فوج کے حالیہ حملے دہشت گردی پھیلانے والے کیمپوں پر مرکوز تھے اور پاک فوج نے افغانستان میں کسی بھی شہری آبادی کو نشانہ نہیں بنایا۔
