وزیراعلیٰ سندھ کا فلسطینیوں کے ساتھ یکجہتی کا اعلان، اسرائیلی مظالم کی شدید مذمت
کراچی(بولونیوز)وزیراعلیٰ سندھ سید مراد علی شاہ نے فلسطینیوں کے ساتھ یکجہتی کے عالمی دن پر اپنے پیغام میں اسرائیلی جارحیت کی شدید مذمت کرتے ہوئے بین الاقوامی برادری سے فوری اقدامات کا مطالبہ کیا۔
ترجمان وزیراعلیٰ کے حوالے سے جاری بیان میں کہا گیا کہ “غاصب اسرائیلی ریاست انسانیت کے خلاف جرائم کا ارتکاب کر رہی ہے، جس میں ہزاروں بچے اور خواتین شہید ہو چکی ہیں۔” انہوں نے زور دیا کہ “اقوام متحدہ کو فلسطینیوں کی نسل کشی روکنے کے لیے فوری اقدامات کرنے چاہئیں۔”
وزیراعلیٰ سندھ نے واضح کیا کہ پاکستان ایک آزاد فلسطینی ریاست کے حق میں ہے جس کا دارالحکومت بیت المقدس ہو۔ انہوں نے کہا کہ سندھ کے عوام فلسطین میں امن اور آزادی کے حصول کے لیے دعاگو ہیں۔
