جماعت اسلامی کا بلدیاتی قانون کیخلاف احتجاج کا اعلان
لاہور(بولونیوز)جماعت اسلامی کے امیر حافظ نعیم الرحمان نے بلدیاتی حکومتوں کے اختیارات کی بحالی کے لیے 7 دسمبر کو پنجاب بھر میں احتجاجی مظاہروں کا اعلان کیا ہے۔
انہوں نے پریس کانفرنس میں کہا کہ تحریک بدل دو نظام کو آگے بڑھاتے ہوئے عوامی مسائل پر دھرنوں اور اسمبلیوں کے گھیراؤ کی حکمت عملی اپنائی جائے گی۔ ان کا کہنا تھا کہ سندھ میں عوام کو لوٹا جا رہا ہے اور کراچی میں کرپشن کے خلاف آواز اٹھائی جائے گی۔
