ایران–امریکہ معاہدے کے بعد عالمی منڈی میں خام تیل کی قیمتوں میں کمی
لندن / نیویارک(بولونیوز) ایران اور امریکہ کے درمیان مبینہ معاہدے کے بعد عالمی منڈی پر مثبت اثرات سامنے آنا شروع ہو گئے ہیں، جس کے نتیجے میں خام تیل کی قیمتوں میں کمی کا واضح رجحان دیکھا جا رہا ہے۔
مارکیٹ کی تازہ صورتحال کے مطابق ڈبلیو ٹی آئی خام تیل کی قیمت اس وقت 73 ڈالر فی بیرل پر ٹریڈ کر رہی ہے۔عالمی منڈی میں برینٹ کروڈ کی قیمت میں ایک فیصد سے زائد کمی ریکارڈ کی گئی ہے، جس کے بعد یہ 77.8 ڈالر فی بیرل پر فروخت ہو رہا ہے۔
اسی طرح مربان کروڈ کی قیمت میں بھی نمایاں کمی دیکھی گئی ہے، جو 69 ڈالر فی بیرل کی سطح پر آ گئی ہے۔معاشی ماہرین کے مطابق مشرقِ وسطیٰ میں کشیدگی میں کمی کے امکانات کے باعث عالمی توانائی مارکیٹ میں استحکام اور قیمتوں میں نرمی کا رجحان بڑھ رہا ہے۔
