آرمی چیف پر مبینہ حملے کی کوشش سے متعلق دعویٰ سامنے آ گیا
راولپنڈی(بولونیوز)معروف برازیلی صحافی اورمصنف پیپےایسکوبار کی ایک رپورٹ میں یہ دعویٰ کیا گیا ہے کہ اسرائیلی خفیہ ایجنسی موساد نے مبینہ طور پر پاکستان کے آرمی چیف جنرل عاصم منیر کو نشانہ بنانے کی منصوبہ بندی کی تھی۔
رپورٹ میں کہا گیا ہے کہ یہ مبینہ منصوبہ اس وقت زیر غور تھا جب آرمی چیف سوئٹزرلینڈ میں امریکہ-ایران مذاکرات سے متعلق سرگرمیوں کے دوران موجود تھے۔دعویٰ کے مطابق پاکستان کی انٹیلی جنس نے مبینہ طور پر اس منصوبے کو بروقت شناخت کر لیا، جس کے بعد صورتحال حساس ہو گئی۔
رپورٹ میں مزید کہا گیا ہے کہ اس مبینہ انکشاف کے بعد پاکستان کی جانب سے سخت مؤقف اختیار کیا گیا، تاہم اس تمام صورتحال کی آزاد ذرائع سے باضابطہ تصدیق نہیں ہو سکی۔
یہ بھی کہا گیا ہے کہ اس مبینہ پیش رفت کے بعد خطے میں کشیدگی اور سکیورٹی صورتحال پر مختلف تجزیے سامنے آ رہے ہیں۔واضح رہے کہ یہ تمام معلومات ایک صحافی کے دعووں اور رپورٹس پر مبنی ہیں اور آزادانہ تصدیق شدہ حقائق کے طور پر سامنے نہیں آئے۔
