امریکا کا ایران کو تیل اور پیٹرولیم مصنوعات کی فروخت کی اجازت دینے کا فیصلہ، لائسنس جاری
واشنگٹن(بولونیوز)امریکا نے ایران کو تیل اور پیٹرولیم مصنوعات کی فروخت کی اجازت دے دی ہے، جس کے تحت امریکی محکمہ خزانہ کی جانب سے باقاعدہ لائسنس جاری کر دیا گیا ہے۔
ذرائع کے مطابق اس فیصلے کے بعد ایران کو مخصوص شرائط کے تحت تیل اور پیٹرولیم مصنوعات کی برآمد کی اجازت ہوگی۔ امریکی حکام کا کہنا ہے کہ یہ اقدام متعلقہ ضوابط اور پالیسی فریم ورک کے تحت کیا گیا ہے۔
امریکی محکمہ خزانہ کے مطابق لائسنس کا مقصد بعض تجارتی اور ریگولیٹری معاملات کو منظم کرنا ہے، جبکہ اس حوالے سے نگرانی کا نظام بھی برقرار رکھا جائے گا۔دوسری جانب اس پیشرفت کو عالمی توانائی اور سیاسی صورتحال کے تناظر میں ایک اہم پیش رفت قرار دیا جا رہا ہے۔
