ایل پی جی کی قیمت میں بڑی کمی، فی کلو 67 روپے 33 پیسے سستی
اسلام آباد(بولونیوز)آئل اینڈ گیس ریگولیٹری اتھارٹی (اوگرا) نے ایل پی جی کی قیمتوں میں نمایاں کمی کا نوٹیفکیشن جاری کر دیا ہے۔ نوٹیفکیشن کے مطابق فی کلو ایل پی جی 67 روپے 33 پیسے سستی کر دی گئی ہے، جس کے بعد فی کلو نئی قیمت 241 روپے 43 پیسے مقرر کر دی گئی ہے۔
قیمتوں میں کمی کے نتیجے میں 11.8 کلوگرام وزنی گھریلو ایل پی جی سلنڈر کی قیمت میں 794 روپے کی بڑی کمی واقع ہوئی ہے، جس سے صارفین کو براہِ راست ریلیف ملے گا۔
اوگرا کے مطابق نئی قیمتوں کا اطلاق فوری طور پر ہو گا۔ عوامی حلقوں نے ایل پی جی سستی ہونے پر اطمینان کا اظہار کرتے ہوئے امید ظاہر کی ہے کہ اس کمی کا فائدہ صارفین تک مکمل طور پر منتقل کیا جائے گا۔
