ایف بی آر نے مالی سال 2026 کا 100 فیصد ٹیکس ہدف حاصل کر لیا
اسلام آباد(بولونیوز)فیڈرل بورڈ آف ریونیو (ایف بی آر) نے مالی سال 2026 میں مقررہ ٹیکس ہدف سو فیصد کامیابی کے ساتھ حاصل کر لیا ہے۔ایف بی آر کے مطابق 30 جون 2026 کو ختم ہونے والے مالی سال کے دوران مجموعی طور پر 13 ہزار 601 ارب روپے ٹیکس وصول کیا گیا۔ اس عرصے میں 597 ارب روپے کے ٹیکس ریفنڈز ادا کیے گئے، جس کے بعد نیٹ ٹیکس آمدن 13 ہزار 003 ارب روپے رہی۔
بیان میں بتایا گیا کہ ایف بی آر نے سالانہ 12 ہزار 983 ارب روپے کا مقررہ ٹیکس ہدف مکمل کر لیا ہے۔
جولائی 2025 سے جون 2026 تک انکم ٹیکس کی مد میں 6 ہزار 645 ارب روپے جمع ہوئے، جبکہ سیلز ٹیکس سے 4 ہزار 731 ارب روپے اور کسٹمز ڈیوٹی سے 1 ہزار 385 ارب روپے حاصل کیے گئے۔
اسی طرح پورے مالی سال کے دوران فیڈرل ایکسائز ڈیوٹی کی مد میں 84 ارب روپے ٹیکس وصول کیا گیا۔ ایف بی آر حکام کے مطابق یہ کارکردگی ٹیکس نیٹ میں توسیع اور مؤثر وصولیوں کا نتیجہ ہے۔
