بھارت کو شکست دینے والے پاکستانی طیاروں کی طلب میں اضافہ، سوڈان سے 1.5 ارب ڈالر کا دفاعی معاہدہ
اسلام آباد(بولونیوز) ذرائع کے مطابق پاکستان کی فضائی طاقت کی بڑھتی ہوئی مانگ کے پیشِ نظر سوڈان کے ساتھ 1.5 ارب ڈالر مالیت کا دفاعی معاہدہ طے پایا ہے، جس میں جدید طیارے اور ڈرونز فراہم کیے جائیں گے۔
معاہدے کے تحت مجوزہ پیکج میں 10 قراقرم-8 لائٹ اٹیک طیارے اور 200 سے زائد ڈرونز شامل ہیں، جن میں اسکاؤٹ اور کامیکازے ڈرونز کے علاوہ جدید فضائی دفاعی نظام بھی شامل ہے۔
سابق پاکستانی ایئر مارشل کے مطابق اس پیکج میں سپر مشاق تربیتی طیارے بھی شامل کیے جانے کا امکان ہے، جبکہ جے ایف-17 تھنڈر لڑاکا طیاروں کی فراہمی پر بھی غور جاری ہے۔ تاہم طیاروں کی حتمی تعداد اور ترسیل کے شیڈول سے متعلق تفصیلات ابھی سامنے نہیں آئیں۔
یہ معاہدہ پاکستان کی دفاعی برآمدات میں اضافہ اور فضائی استعداد کو فروغ دینے کا اہم اقدام تصور کیا جا رہا ہے۔
