اگر ایران میں لوگوں کو قتل کیا گیا تو امریکا مداخلت کرے گا، صدر ڈونلڈ ٹرمپ
واشنگٹن(بولونیوز)امریکی صدر ڈونلڈ ٹرمپ نے کہا ہے کہ امریکا ایران کی صورتحال پر گہری نظر رکھے ہوئے ہے اور اگر ایران میں عوام کو قتل کیا گیا تو امریکا مداخلت کرے گا۔
واشنگٹن میں جاری ایک بیان میں صدر ٹرمپ کا کہنا تھا کہ ایرانی حکومت نے برسوں سے اپنے عوام کے ساتھ ناروا سلوک کیا ہے اور اب ایرانی عوام کی جانب سے حکومت کو اس رویے کا جواب مل رہا ہے۔
صدر ٹرمپ نے واضح کیا کہ امریکا ایران کی موجودہ صورتحال کا بغور جائزہ لے رہا ہے، تاہم امریکی مداخلت کا مطلب ایران میں فوج اتارنا نہیں ہوگا۔
انہوں نے مزید کہا کہ ایران اس وقت شدید مشکلات کا شکار ہے اور ایسا محسوس ہوتا ہے کہ ایران کے بعض شہروں پر عوام کا کنٹرول قائم ہو چکا ہے۔
