امریکا کی ٹرمپ کے خلاف مقدمے پر عالمی عدالت کو نئی پابندیوں کی دھمکی
واشنگٹن(بولونیوز) امریکا نے سابق صدر ڈونلڈ ٹرمپ کے خلاف ممکنہ تحقیقات کے معاملے پر عالمی عدالت انصاف اور عالمی فوجداری عدالت (ICC) کو سخت وارننگ جاری کرتے ہوئے کہا ہے کہ امریکی صدر یا اعلیٰ حکام کے خلاف کوئی بھی کارروائی یا تحقیق ناقابلِ قبول ہوگی۔
امریکی حکام نے خبردار کیا ہے کہ اگر عالمی عدالت نے امریکا کے صدر، سابق صدور یا اعلیٰ حکومتی عہدیداروں کے خلاف تحقیقات شروع کیں تو عدالت اور اس سے منسلک اہلکاروں پر نئی پابندیاں عائد کر دی جائیں گی۔
واشنگٹن نے اپنے مؤقف میں کہا ہے کہ عدالت چاہے تو اپنی بنیادی قانونی دستاویز (اسٹیٹیوٹ) میں ترمیم کر لے، لیکن امریکا اپنے حکام کے خلاف کسی بھی بین الاقوامی عدالتی کارروائی کی اجازت نہیں دے گا۔
امریکی بیان کے بعد بین الاقوامی حلقوں میں اس اقدام کو عالمی عدالت کے دائرہ اختیار پر دباؤ ڈالنے کی کوشش قرار دیا جا رہا ہے۔
