ہنگری کا یورپی یونین کی نئی مہاجرت پالیسی ماننے سے انکار، کھلی بغاوت قرار
بوداپیسٹ(بولونیوز)ہنگری نے یورپی یونین کی نئی میگریشن پیکٹ پالیسی کو مسترد کرتے ہوئے واضح اعلان کیا ہے کہ نہ تو ملک اضافی مالی جرمانہ ادا کرے گا اور نہ ہی زبردستی مہاجرین کو قبول کرے گا۔
ہنگری حکومت نے اپنے سخت مؤقف کا اظہار کرتے ہوئے کہا ہے:
“برسلز ہنگری پر غیر منصفانہ دباؤ ڈال رہا ہے۔ ہم نہ جرمانہ دیں گے، نہ مہاجرین لیں گے۔”
یورپی یونین کے حکام نے ہنگری کے اس فیصلے کو “کھلی بغاوت” قرار دیا ہے، جبکہ ہنگری کا مؤقف ہے کہ یہ قدم ملکی خودمختاری کے تحفظ کے لیے اٹھایا گیا ہے۔
سیاسی ماہرین کے مطابق ہنگری کے اس اقدام سے یورپی یونین کے اندر پہلے سے موجود اختلافات مزید گہرے ہونے کا خدشہ پیدا ہوگیا ہے۔ یورپی یونین میں مہاجرت کا معاملہ طویل عرصے سے حساس سیاسی موضوع رہا ہے اور نئی پالیسی کے خلاف ہنگری کا سخت ردعمل پورے بلاک میں ہلچل پیدا کر رہا ہے۔
